वीरोसा उंची चढी नै नीची उतरुं जी
वीरोसा जोउं म्हारा जामण जाया री बाट
जीओ जामण रा जाया
वारि ओ फुलड़ा रा भारा
इणने ओसरिये वेगा आवजो
1. वीरोसा चुदड़ी ओढुंला घर री दामां री
वीरोसा कड़ुम्बा में राखूं थारी सोभा ओ
जामण रा जाया
वारि ओ म्हारा उगन्ता सूरज
इणने ओसरिये वेगा आवजो।।
2. वीरोसा चुड़लो पैरुंला घर रै दामां रो
वीरोसा देराणियां जेठाणियां में सोभा जी
थांरी जामण रा जाया
वारि ओ फुलड़ा रा भारा
इणने ओसरिये वेगा आवजो।।
3. वीरोसा मायरो पैरुंला घर रै दामां रो
वीरोसा भरिये हाथां में सोभा थांरी ओ
जामण रा जाया
वारि ओ उगन्ता सूरज
इणने ओसरिये वेगा आवजो।।
0 comments:
Post a Comment